侬只癞头狗，好比破帽戴上头；侬只独眼狗，一副茶镜架鼻头。

　　侬只麻皮狗，全靠水粉榻得厚。侬只聋鼙狗，同伊讲话呒回头。

　　侬只哮欠狗，好像裁缝师傅吹熨斗。侬只跷脚狗，好像山里头人爬岭头。

　　侬只缺牙狗，偏要去拖破鞋头。侬只阔嘴狗，张开嘴巴象畚斗。

　　侬只驼背狗，一世背着陶镬走。侬只大眼狗，眼睛弹出象馒头。

　　侬只塌鼻狗，鼻梁凹进呒峰头。侬只瞎眼狗，一世受苦勿出头。

　　侬只烂眼狗，眼屙结得象绣球。侬只高鼻狗，鼻子弯得像秤钩。

　　侬只师子狗，尾巴象扫帚。侬只精瘦狗，皮肤包骨头。侬只大脚狗，尺二裤脚口。

　　侬只疙舌狗，口齿勿清头。侬只嵌眼狗，眼睛眯眯头。

　　侬只狼腰狗，屁股凸出扭两扭。侬只突胸狗，奶奶矗起象山头。

　　侬只来灰狗，毛毛结籽象泥鳅。侬只矮脚狗，连头连脚一拳头。

　　侬只大肚狗，要防夜头生小狗。侬只馋嘴狗，眼眼相视望灶头。

　　侬只吃屁狗，专跟人家屁股后。侬只食肉狗，寻来寻去寻骨头。

　　侬只吃素狗，看见鱼肉皱眉头。侬只吃糖狗，牙齿蛀得呒部头。

　　侬只腥气狗，衔来一颗带鱼头。侬只肮脏狗，料缸边沿当床头。

　　侬只龉龊狗，眼睛鼻涕勿断头。侬只时髦狗，头发蓬蓬拖肩头。

　　侬只厉害狗，勿曾开口就动手。侬只懈骨狗，沿阶口里晒日头。

　　侬只倒路狗，拦路困倒大门口。侬只吊纤狗，专门喜欢爬高头。

　　侬只小气狗，逢人要摇头。侬只懒惰狗，门槛当床头。侬只相骂狗，青筋绷鼻头。

　　侬只疯癫狗，尿屙直脚流，侬只呆大狗，不知自门口。侬只管家狗，躲啦门角后。

　　侬只咬人狗，别人勿敢到门口。侬只落水狗，垂头丧气连抖抖。

　　侬只放屁狗，好像道士先生吹号头。侬只肚泻狗，好象茶叶师傅喷糊溜。

　　侬只风流狗，轧来轧去轧姘头。侬只闲吠狗，一夜叫到天亮头。

　　侬只劳碌狗，一年到头呒闲头。侬只好福狗，吃吃困困勿用愁。

　　侬只满月狗，滚壮鳎鳅象皮球。